موضوع الافتتاح لمحبى لعبه كونكر اون لاين, كونكر

السلام عليكم ورحمة الله وبركاتة

تم بحمد الله افتتاح اول منتدى عربى للعبه المحبوبة والعالمية كونكر

:: جولة عن كونكر اون لاين ::

اولا لعبه كونكر بتتلعب على الانترنت بس ياعنى لازم يكون عندك وصلة دى اس ال كويسة عشان تقدر تلعبها كويس
ثانيا بيلعب اللعبه دى ملاين من الشباب ومن جميع مختلف الاجيال فى جميع انحاء العالم
ثالثا من مميزات اللعبه ان مالهاش تقفيلة زى ما بنقول ياعنى بقفل اللعبه وخلاص خلصت على كدة
لا دى عبارة عن انك بتحاول توصل لاكبر مرحلة من القوة وانك تقدر تكون الاقوى فى اللعبه بين اللعيبة
وبيميزها انك بتنضم او بتعمل فريق والفريق دة بيحاول يساعد بعضة ديما وبيقاتل اعداءة

بتداء اللعب على كونكر بعد تسجيلك على موقع اللعبه من الرابط دة

http://account.conqueronline.com/91signup/read.htm

وبعدها بتكمل البيانات المطلوبة منك للتسجيل
بعدها بتفتح اللعبه وبتشوف انت هاتلعب على انهى سيرفر
كل سيرفر بيختلف عن التانى ياعنى ما ينفعش تبداء تلعب فى سيرفر وتدخل بنفس الشخصية فى سيرفر تانى
ياعنى كل سيرفر لة شخصية مستقلة مسموح ليك انك تلعب بيها

ياعنى الاحسن انك تشوف زميلك بيلعبوا فى انهى سيرفر وتبداء فية عشان تلاقى زميلك اللى تقدر تلعب معاهم ويفهموك اللعبه اكتر
عامتا معظم الناس بتلعب فى السيرفرات دى

Wild kingdom >> Lion
Constellatio >> Libra
Constellatio >> Scorpio

افتكر دول اكبر سيرفرات وعليهم اكبر واقدم لاعيبة

واناا بلعب فى اول سيرفر
LION

----------
اول ما بتكتب اليوزر والباس بتاع تسجيلك فى اللعبه وبعد اختيار السيرفر بتدخل اللعبه
بيظهرلك مجموعه من الشخصيات
على الشمال البنين وعلى اليمين البنات
والشخصيات اللى بتخترها عبارة عن
worrier
Archer
Trojan
Taoist

هانبقى نوضح كل شخصية بعد كدة بمميزتها وعيوبها او هانسيبكم انتوا تتعلموا مميزات كل شخصية من دول
وبعدها بتختار اسم مستعار للشخصية بتاعتك وبعدها تبداء اللعبه عادى

-----------------------

مراحل اللعبه هى عبارة عن انك بتقتل فى الوحوش المتحددة لمستواك

ياعنى انت لسة فى المستوى الاول اللى هو بيتسمى باسم ( لفل ) Level
بتبداء تقتل فى الفراخ يا نووب

هههههههههههههههههههههه
المهم كل ما بتقتل اكتر كا ما بتقدر توصل للفل الاعلى ياعنى 2 و 4 و 6 وهاكذا
وبعدها بتشوف اسلحة تناسب شخصيتك وتشتريها وتلعب بيها

الاحسن لكل اللى ناويين يلعبوا اللعبه دى يستشيروا ناس بيلعبوها عشان يفهموها اسرع ويتعلموها بسرعه

وهاتتعلموا نظام التيم اللى هو الفريق انك تنضم لفريق كبير بيقدر يقتل فى الوحوش الاكبر ويوصلك لمراحل ولفل بسرعه

-------------------------

مبرووك للجميع لافتتاح منتدى كونكر العربى ونتمنى المشاركة من كل اللى يعرفوا اللعبه ومن كل اللى بيحبوها

واللى عندى اى اسالة فى اللعبه بيتفضل بيكتبها فى موضوع وهانرد عليه بالاجابة ان شاء الله

واللى لة شخصية واكونت كبير فى اللعبه ياريت يبقى ينزلنا صورته وصور لاسلحتة عشان يشفها اعضانا ويتعلموا اللعبه ويفهوها اكتر

كل عام وانتم بخير

علي فكره سرفير nany كله مصرين

الويلي
الهرم
عين شمس
المرج
الجيزه
المهندسين